Бастакы
директор- Софронов Николай Федорович
Софронов Николай Федорович 1934
сыллаахха ыам ыйын 22 күнүгэр
I-й
Малдьаҕар нэhилиэгэр колхозтаах дьиэ кэргэнигэр төрөөбүтэ. Ийэтэ
(Егорова) Софронова Парасковья
Тимофеевна, аҕата Софронов Федор (Ланха Сүөдэр). Сүөдэр үрдүк уңуохтаах, сүhүөхтээх муруннаах, киэң харахтаах, сүрдээх көнө,
холку майгылаах киhи үhү. Ферма биригэдьииринэн үлэлээбит, онтон
байанайдаах булчут буолбут: от иннинэ булгуччу тайахтыы тахсара үhү, биири олорон, астаан – үөллээн, этин кулуhуңңа хатаран, бэрэмэдэйгэ үллэччи ыырдан киирэн,
Бүтүн дэриэбинэни аhатара үhү. Эрдэ ыалдьан өлбүт. Онон Ньукулай Марха орто
оскуолатын бүтэрэн баран, ийэтигэр көмө буолан, Амакинскай экспедицияҕа
рабочайдаан, кыра балтыларын, быраатын иитэн – үөрэтэн, киhи – хара гынаттаабыта. Бүлүү педучилещетыгар учуутал
идэтин ылбыта. Хойут үөрэммит сылларын наhаа
истиңник – иhирэхтик ахтан – санаан ааhара.
Училищены бүтэрэн баран Өңөлдьөҕө 1 сыл учууталлаабыта. Кини аан бастаан
Өңөлдьөҕө кинигэ сибээскэлээх тиийэн кэлбитин олохтоохтор билигин да өйдүүллэр.
Онтон дьонун кытта Ньурбаҕа көhөн киирэн
оройуоннааҕы спорткомитетка председателлээбитэ. Бэйэтэ даҕаны активнай
спортсмен этэ: көңүл тустууннан, штанганнан дьарыктанара.
Мин 1962 сыллаахха Бүлүү педучилищетын
бүтэрэн Дьиикимдэҕэ учууталлыы кэлбитим. Николай Федорович оскуола сэбиэдиссэйэ
этэ. Учууталлар Дмитрий Семенович, Климент Иванович иккилии кылааhы холбоон үөрэтэллэрэ. Мин нуучча тылын үөрэппитим.
Сыарҕалаах атынан учебниктарын, паарталарын, учебнай пособиеларын таhынан, оскуола саңардыы аhыллыбыт
этэ.
4-с кылаас оҕолорун өйдүүбүн: Толя,
Меркурий Сабычиковтар, Виктор Беловолосов, Клава Ефремова, Луиза Харбанова,
Николаев Борис уо.д.а. Пионерскай үлэни миэхэ сүктэрбитэ да, үксүн бэйэтэ
үлэлиирэ. Оҕолору кытта үлэлиирин наhаа сөбүлүүрэ,
тэбис – тэңңэ сылдьара. Оччотооҕу оҕолор улаатан, үлэhит
буолан баран, биhиги аҕабытын
эйэҕэс табаарыс, ирдэбиллээх салайааччы, талааннаах учуутал быhыытынан өйдүү – саныы сылдьаллара чахчы. 1966 сыл
сайын Малдьаҕарга көhөн тахсыбыппыт.
Малдьаҕар оскуолатыгар да кэлэн үлэhитинэн сирдэрбэтэҕэ. Тиhэх
күннэригэр дылы үлэ үөhүгэр сылдьыбыта.
Ахтыыны суруйда кэргэнэ Софронова Нина
Гаврильевна.
|