Пятница, 29.03.2024, 02:50

Дикимдинская ООШ им. С.И.Алексеева

Приветствую Вас Гость

Поиск
Друзья сайта
Статистика

Онлайн всего: 1
Гостей: 1
Пользователей: 0
Меню сайта
Календарь новостей
«  Март 2012  »
ПнВтСрЧтПтСбВс
   1234
567891011
12131415161718
19202122232425
262728293031
Наш опрос
Оцените мой сайт
Всего ответов: 22
Мини-чат
Главная » 2012 » Март » 29 » С.И.Алексеев аатынан Дьиикимдэ сурун оскуолатын 50 сыллаах юбилейа
С.И.Алексеев аатынан Дьиикимдэ сурун оскуолатын 50 сыллаах юбилейа
09:03

С.И.Алексеев аатынан Дьиикимдэ сурун  оскуолата.

 Дьиикимдэҕэ норуот тутуутунан 1961-62с. үөрэх дьылын көрсө начальнай оскуола үлэҕэ киирбитэ. Николаев В.В., Павлов Н.М., Федотов Д.Ф., Федотов В.Ф., Антонов И.П., Сабычиков А.Н. уонна да атын олохтоохтор көҕүлээһиннэринэн оскуола дьиэтэ тутуллубута. Оскуола бастакы сэбиэдиссэйэ Малдьаҕартан төрүттээх Софронов Николай Федорович диэн учуутал оскуола ис-тас үлэтин ситэртэрэн, оҕолор үөрэнэр кыахтамыттара.  Ол бириэмэҕэ учууталларынан Спиридонов К.И., Иванов Д.С., Дормидонтова Н.Г., Илистяров Е.А. ситиhиилээхтик үлэлээн ааспыттара.

1968-1969 үөрэх дьылыттан оскуола 8 кылаастаах буолбута. Директорынан Алексеев П.А үлэлиирэ. Петр Алексеевич оскуола 8 кылаастаах буоларыгар сөптөөх эбии тутууну киллэрэн, киинтэн ититиини холбуурга  үгүс сыратын биэрбитэ. Онон сибээстээн В.И.Ленин төрөөбүтэ 100 сааhын көрсө мэтээлинэн наҕараадаламмыта.

 Петр Алексеевич Маалыкайга көспүтүн кэннэ, оскуола директорынан Иванов Д.С. анаммыта. Дмитрий Семенович үлэтин начальнай учууталынан саҕалаабыта уонна директорынан өр сылларга ситиhиилээхтик үлэлээбитэ.   Араас сылларга Прокопьев М.М, Степанов П .Н, Федоров В.А, Николаев С.С. уонна   Егоров Н.Т директорынан үрдүк таhымнаахтык үлэлээн ааспыттара. Ону сэргэ үөрэх - иитии боппуруостарыгар дьарыктанар завучтарбыт Андреева М.С, Васильева А.А., Павлова В.Н, Никифорова А.И, Макаров Е.Е, Федорова П.Н, Елисеева Л.Н., Иванова Е.И. уонна Ефремова К.П. улахан билиилэрин-көрүүлэрин биэрэн туран үлэлээбиттэрэ. Үөрэммит о5олор истиҥник ахталлар кэнчээри ыччаты иитиигэ элбэх сыраларын биэрэн үлэлээбит уонна үлэлии сылдьар учууталлары: Софронова Н.Г, Саввинова А.А., Алексеев П.А.,Илистяров Е.А., Седалищева М.С., Иванова Е.М., Павлова А.В., Андреева М.С., Моякунов А.С., Петрова М.С., Канаева Л.А., Ефремова К.П, Саввина Л.Н., о.д.а.

СР Президенэ  Штыров В.А. 2006 сыл бэс ыйын 13 күнүнээ5и ыйаа5ынан оскуола5а сахалартан биир бастакынан алмаас промышленноһыгар улахан эппиэттээх дуоһунаска- Удачнайдаа5ы ГОК кылаабынай инженеринэн ананан үлэлээбит Дьиикимдэ нэһилиэгиттэн төрүттээх ССРС Государственнай бириэмийэтин  лауреата, Саха республикатын үтүөлээх горняга  Сергей Иванович Алексеев аата иҥэриллибитэ. Ити сылтан оскуола аныгылыы тииптээх саҥа дьиэ5э үлэтин са5алаабыта. Оскуола директорынан  РФ орто үөрэхтээһинин Бочуоттаах үлэһитэ Алексеева В.В., директоры үөрэтэр үлэ5э солбуйааччы СР үөрэ5ин туйгуна Алексеев А.Н., директоры иитэр үлэ5э солбуйааччы Обоева Н.И., директоры оскуола5а киириэн иннинээ5и саастаах о5олору иитиигэ солбуйааччы Егорова О.А. таһаарыылаахтык үлэлии сылдьаллар.

Оскуола аныгы кэм сайыннарыылаах үөрэх хайысхатыттан хаалбакка салайынар. 2008  сылтан педагогическай наука кандидата, Россия  педагогическай уонна социальнай академияларын корреспондена Павлов К.В. салалтатынан «Антропологический подход к обучению и воспитанию
 в  ноосферной школе»
бырайыагынан  үлэлиир. Бу бырайыак чэрчитинэн Бүлүүгэ ыытыллыбыт 3 республиканскай «Образовательная марка» ярмарка5а «Сетевая инфраструктура маленькой сельской школы» номинация5а Грант ылбыппыт уонна оройуонна5ы экспериментальнай площадка буоллубут. Итини таһынан үөрэтии –иитии сүрүннээн техническай хайысхаларынан, о5о доруобуйатын бө5өргөтүүгэ, о5о эргиччи сайдыылаах буола улаатарыгар туһуланар. Хаһыс да сылын талааннаах выпускникпыт Павлов В.Н.«Копии моделей», эдэр учууталлар түмсүүлэлэрин иһинэн тэриллибит «Кэрэ эйгэ» куруһуоктар, студиялар республика, оройуон таһымыгар айымньылаахтык үлэлииллэр.  Н.И.Фокин «Кыымчаан» оскуола хоровой коллективын тэрийэн оройуонна үрдүк таһымна таһаарда. «Үрүн Уолан» элективнай курс дьарыгын салайааччылара практическай өттүн таба тэрийэн,  сылын аайы айыл5аны кытта алтыһыннаран булт абыланар уолаттары уһуйаллар.  2011-12 үөрэх сылыгар ААО «АЛРОСА-Нюрба»  9 кылаас үөрэнээччилэрин кытта шефтэһэн үлэлииргэ  дуогабар оҥоһулунна. Кэлин сылларга о5олор Киин үрдүк үөрэх кыһаларыгар киирэн үөрэнэ сылдьаллара - бу оскуола эмиэ улахан ситиһиитэ буолар.

Киэн туттабыт  дойдубут сайдарын туһугар бэйэлэрин кылааттарын киллэрэн араас эйгэ5э таһаарыылаахтык үлэлии-хамсыы сылдьар выпускниктарбытынан.

Никифорова В.М. салайааччылаах төрөппүт комитетын үлэтэ сөптөөхтүк тэриллэн элбэх үлэ ыытыллар. Хаһыс да сылын оройуон араас тэрилтэлэриттэн хамаандалары ыҥыран оскуола, үөрэнээччи, нэһилиэк икки ардыларыгар спортивнай тыҥааһыннаах күрэхтэһии ыытыллар. О5ону иитэр үлэ нэһилиэк, общественность, о5о, педколлектив бары бииргэ түмсэн үлэлииллэригэр оло5урар. Комитет көҕүлээһининэн о5олор инники идэлэригэр туһаайан Ньурба тэрилтэлэригэр экскурсияларга сылдьаллар.

Үөрэхпит кыһатын 50 сыллаах үөрүүлээх үбүлүөйүнэн ветераннарбытын, коллегаларбытын, оскуола5а үөрэммит  уонна үөрэнэр үөрэнээччилэрбитин э5эрдэлиибит. Эһиэхэ ба5арабыт чэгиэн –чэбдик доруобуйаны, дойдугут чэчирии сайдарын туһугар туох баар билиигитин, сатабылгытын  ууран туран үрдүк таһаарыылаахтык үлэлээҥ- үөрэниҥ.

 

Просмотров: 860 | Добавил: jikimda | Рейтинг: 0.0/0 |
Всего комментариев: 0
Имя *:
Email *:
Код *: